[Teksta er tidlegare publisert i Nytt om namn nr. 47 – 2008]
Det årlege samrådingsmøtet for stadnamntenesta og Statens kartverk blir halde 17.–19. september i lokala til Språkrådet i Oslo. Som vanleg vil ein ta opp felles saker som er knytte til praktiseringa av stadnamnlova. Ei viktig sak i år blir lovframlegget som skal behandlast i Stortinget i haust. Framlegget går ut på å gje eigarar vetorett i saker som gjeld skrivemåten av bruksnamn. Dersom framlegget går gjennom, vil det få store konsekvensar for arbeidet til både stadnamntenesta og Kartverket. I realiteten vil det også rokke ved heile grunnlaget for stadnamnlova.
Nytt i år er elles at det er invitert deltakarar frå Danmark, Finland, Island og Sverige, og at eine dagen er sett av til føredrag med fagleg innhald. Hovudemna er gatenamn (urbane namn) og offentleg stadnamnnormering.
Terje Larsen
terje.larsen@iln.uio.no