Parverb

Nokre verb har to former, ei svak som tek objekt, og ei sterk som ikkje tek objekt. Vi kallar slike verb for parverb.

Det svake verbet tek objekt:

Huseigaren brende avfall i hagen. Subjekt: huseigaren, direkte objekt: avfall

Det sterke verbet tek ikkje objekt:

Avfallet ulma og brann i hagen. Subjekt: avfall

Andre parverb:

Tek objekt, svak bøying: søkkje, hengje, leggje, setje, strekkje, sleppe
Tek ikkje objekt, sterk bøying: søkke, henge, liggje, sitje, strekke, sleppe

Døme:

Dei søkkte båten.
Båten sokk på fem minutt.

Han hengde jakka på ein knagg.
Jakka hang på ein knagg.

Ane la "Sofies verden" på bordet i går.
Boka låg der framleis i dag.

Sette du sykkelen i garasjen?
Nei, for Morten sat på han.

Ho strekte evnene langt.
Men dei strakk ikkje til.

Øving:

• Øving 29
• Øving 31